20 ოქტომბერს, 19:00 საათზე, ტექნოპარკში “Startup Beats”-ის ფარგლებში მორიგი შეხვედრა გაიმართება, რომლის სტუმარი საქართველოს პარლამენტის წევრი და ფეხბურთის ფედერაციის პრეზიდენტი, ლევან კობიაშვილი იქნება.

სტუმარი ისაუბრებს მისი წარმატების ისტორიაზე, იმ აუცილებელ თვისებებსა და უნარებზე, რაც განვითარებისა და წინსვლის საწინდარია. ისაუბრებს იმაზე, თუ რა გამოწვევების წინაშე აღმოჩნდა პროფესიის შეცვლის დროს, რა იყო ყველაზე რთული ეტაპი და რა თვისებები დაეხმარა ამ წინაღობების გადალახვაში. როგორი იყო გზა ფეხბურთიდან პოლიტიკამდე – გამოწვევები, სირთულეები და სამომავლო გეგმები.