სსიპ გიორგი ლეონიძის სახელობის ქართული ლიტერატურის მუზეუმის მიერ ინიცირებული პროექტი „მრავალფეროვანი საქართველო“ წელს 22 აპრილს დაიწყო. პროექტის მიზანია საქართველოში მცხოვრებ ეთნიკური უმცირესობების ქვეყნის კულტურულ ცხოვრებაში ინტეგრირების ხელშეწყობა. „მრავალფეროვანი საქართველოს“ ფარგლებში ხორციელდება რიგი ღონისძიებები ეთნიკური უმცირესებობებით დასახლებულ რეგიონებში.

პროექტის „მრავალფეროვანი საქართველო“ (ბოლნისი) – განრიგი:

1. 14:00 – 15:00 – ბოლნისის ბიბლიოთეკის დარბაზი – მოხსენებები საიუბილეო თარიღებთან დაკავშირებით – მომხსენებლები: გიორგი კეკელიძე (ი.ჭავჭავაძე), მაკა ელბაქიძე (ნ. ბარათაშვილი), ოქტაი ქაზუმოვი (ლიტერატურული პროცესების შესახებ).
2. 15:10 – 15:25 -ბოლნისის ბიბლიოთეკის დარბაზი – ახალი ქართული მოკლემეტრაჟიანი ანიმაციური ფილმის „ფრანი“ ჩვენება (რეჟ. ვ. სულაქველიძე)
3. 15:40 – 16:00 – ბოლნისის კულტურის ცენტრი (ფოიე): საგამოფენო სივრცის დათვალიერება,
ნ. ბარათაშვილის საიუბილეო ხუთენოვანი კრებულის წარდგინება გ. კეკელიძის წიგნის „გურული დღიურები“ აზერბაიჯანულენოვანი თარგმანის, აზერბაიჯანულ და თურქულ ენებზე გამოცემული წიგნების პრეზენტაცია.
4. 16:15– 17:30 კონცერტი – ნეკა სებისკვერაძე (კვარტეტი).