საქართველო შემოქმედებით ევროპაში

0
667

22 დეკემბერს, სასტუმრო „Rooms Hotel Tbilisi”-ში (მის: კოსტავას 14), საქართველოს კულტურისა და სპორტის სამინისტროს მხარდაჭერით, გაიმართა შეხვედრა ევროკავშირის პროგრამის “შემოქმედებითი ევროპა” შესახებ. შემოქმედებითი ევროპის ბენეფიციარებმა, პროგრამით დაინტერესებულ პირებსა და პოტენციურ აპლიკანტებს, ევროკავშირის პროგრამაში მონაწილეობის საკუთარი გამოცდილება გაუზიარეს.

შეხვედრა სიტყვით გახსნა საქართველოს კულტურისა და სპორტის მინისტრის მოადგილე ლევან ხარატიშვილმა; ღონისძიებას ასევე უძღვებოდნენ შემოქმედებითი საქართველოს დირექტორი ანა რიაბოშენკო, შემოქმედებითი ევროპის დესკის ხელმძღვანელი ქეთევან შენგელია და პროგრამის ბენეფიციარები.

შემოქმედებითი ევროპის ბენეფიციარებმა წარმოადგინეს საკუთარი პროექტები და დეტალურად მოუთხრეს პოტენციურ აპლიკანტებს საკუთარ გამოცდილებაზე – ისაუბრეს განაცხადის წარდგენის პროცესზე, ასევე, იმაზე, თუ როგორ გადალახეს აპლიკაციის შევსებასთან და საჭირო დოკუმენტაციის ატვირთვასთან დაკავშირებული სირთულეები.

ღონისძიებაზე წარმოდგენილნი იყვნენ შემდეგი ბენეფიციარი ორგანიზაციები:

• თბილისის კოტე მარჯანიშვილის სახ. სახელმწიფო დრამატული თეატრი, პროექტით: დრამა ციფრული ხდება;
• ფონდი NOOSFERA, პროექტით: კინოფესტივალი CinéDOC;
• საქართველოს ეროვნული კინოცენტრი, პროექტით: ევროპული კინოკლუბები და სკოლის ლიცენზირება;
• დემოკრატიული ცვლილებების ინსტიტუტი, პროექტით: Sofa – კინოაგენტების სკოლა;
• გამომცემლობა აგორა, პროექტით: ევროპული ლიტერატურის მოზაიკა;
• გამომცემლობა ელფი, პროექტით: ევროკავშირის ლიტერატურული პრიზის 10 გამარჯვებული;
• თანამედროვე ხელოვნების ცენტრი CCA, პროექტით: ჯადოსნური ხალიჩა.

#კულტურა2017

#შემოქმედებითისაქართველო

#creativeeurope

კომენტარი

Please enter your comment!
Please enter your name here