ვეტერანების საქმეთა სახელმწიფო სამსახურის დირექტორი ვლადიმერ იმნაძე და უწყების თანამშრომლები ქუთაისის III ქვეითი ბრიგადის ტერიტორიაზე, 1993 წლის 11 მაისს სამხედრო დავალების შესრულებისას რუსეთის ფედერაციის სპეცრაზმთან შეტაკებაში საქართველოს ტერიტორიული მთლიანობისათვის გმირულად დაღუპულთა მემორიალის გახსნის ცერემონიალს დაესწრნენ. სამსახურის ხელმძღვანელმა იმერეთში სახელმწიფო რწმუნებული–გუბერნატორთან გივი ჭიჭინაძესთან, პირველ მოადგილესთან გრიგოლ დალაქიშვილთან და ვიცე–გუბერნატორთან იოსებ ხახალეიშვილთან ერთად დაღუპულთა ხსოვნას პატივი მიაგეს და მემორიალი გვირგვინით შეამკეს.
