მიხეილ გიორგაძე გამარჯვებულ ძიუდოისტებს შეხვდა

0
590

19 დეკემბერს, საქართველოს კულტურისა და სპორტის მინისტრმა მიხეილ გიორგაძემ, კულტურის სამინისტროში ქართველ ძიუდოისტებს უმასპინძლა და სანკტ-პეტერბურგის მასტერსზე მოპოვებული ტრიუმფალური გამარჯვება პირადად მიულოცა.

საქართველოს ძიუდოისტთა ნაკრებმა სანკტ-პეტერბურგში მასტერსზე 3 ოქროს, 1 ვერცხლის და 1 ბრინჯაოს მედალი მოიპოვა და ვაჟთა შორის გუნდური პირველი ადგილი დაიკავა.
მასტერსის გამარჯვებულები გახდნენ: ბექა ღვინიაშვილი (-90კგ), ვარლამ ლიპარტელიანი (-100კგ) და გურამ თუშიშვილი (+100კგ), ვერცხლის მედალს ლაშა შავდათუაშვილი დაეუფლა (-73კგ), ხოლო ბრინჯაოს მედალი ვაჟა მარგველაშვილმა (-66კგ) მოიპოვა.

საქართველოს ნაკრები მასტერსზე სულ 6 ძიუდოისტით იყო წარმოდგენილი და ხუთმა მათგანმა მედლის მოპოვება მოახერხა. ვაჟთა შორის 7 ფინალიდან 4 ქართველი ძიუდოისტების მონაწილეობით ჩატარდა.

აღსანიშნავია, რომ მასტერსის ისტორიაში ქართველ ძიუდოისტებს აქამდე მხოლოდ 2 ოქროს მედალი ჰქონდათ მოპოვებული (2013 წელს ადამ ოქრუაშვილს და 2015 წელს ბექა ღვინიაშვილს), ამჯერად კი, შეჯიბრის ერთ დღეს 3 ოქროს მედალი მოიპოვეს.

შეხვედრას გამარჯვებულებისა და პრიზიორების – ბექა ღვინიაშვილის, გურამ თუშიშვილის, ლაშა შავდათუაშვილისა და ვაჟა მარგველაშვილის გარდა, ძიუდოს ფედერაციის პრეზიდენტი დავით ქევხიშვილი და საქართველოს ძიუდოისტთა ნაკრების მწვრთნელი ირაკლი ცირეკიძე ესწრებოდნენ.

კომენტარი

Please enter your comment!
Please enter your name here